Í vor var stofnaður nýr íslenskur skóli sem kennir höfuðbeina- og spjaldhryggsjöfnun. Það eru Birna Imsland og Inga Þórðardóttir sem standa fyrir honum, en skólinn hefur hlotið nafnið Höfuðlausn. Birna og Inga voru í fyrsta og öðrum hópnum sem lærðu höfuðbeina- og spjaldhryggsjöfnun hérlendis og hafa því langa starfsreynslu í faginu. Þær unnu báðar við College of Cranio-Sacral Therapy meðan hann var með útibú hérlendis og eru í nánu samstarfi við hann. Birna var fyrsti formaður félagsins okkar og Inga hefur einnig setið í stjórn.

Þær stöllur segja það markmið sitt að kennslan sé vönduð og að vel sé haldið utan um nemendur í náminu. “Við ætlum að breyta venjulegum mannshjörtum í hjörtu höfuðbeina- og spjaldhryggsjafnara,” segja þær, en það eina sem er í rauninni nauðsynlegt til að geta orðið höfuðbeina- og spjaldhryggsjafnari er löngunin, því allir hafa innbyggðan hæfileika til þess.

Námið tekur þrjá vetur. Kennt er á föstudagskvöldum, laugardaga og sunnudaga, níu sinnum hvern vetur. Kennslutíminn miðast við að fólk utan af landsbyggðinni geti sótt skólann. “Mér finnst að það ætti að vera höfuðbeina- og spjaldhryggsjafnari í hverjum einasta bæ á öllu landinu,” segir Birna.

Námsefnið er á íslensku og vel til þess vandað. “Við miðum áherslurnar í kennslunni fyrst við að byggja góðan grunn en svo ætlum við að flétta saman við hann heilmiklum sérhæfðari fróðleik, þannig að útkoman verði heildræn meðferð, sem getur jafnframt tekið á flestu því sem rekur á fjörur höfuðbeina- og spjaldhryggsjafnara í starfi,” segja þær.

Kennsla hefst í september 2011. Skráning fer fram á www.hofudlausn.is og í síma 861 6152.

Félagið óskar þeim Ingu og Birnu til hamingju með nýja skólann.

Flokkur: Greinar - cranio
Engar athugasemdir »

Afleiðing samþjöppunar höfuðkúpu.

Ef höfuðkúpa okkar verður fyrir einhvers konar hindrun í fæðingu er líklegt að það hafi áhrif á okkur öll að einhverju leiti.  Það er álitið að í alvarlegum tilvikum, geti slík hindrun leitt til heilaskaða, heilalömunar, (krampalömunar), eða einhverfu, eða geti átt þátt í vöggudauða.  Í vægari tilvikum getur það leitt til lesblindu, námserfiðleika, ofvirkni, flogaveiki, þráhyggju, persónuleikatruflana og ýmiss konar þroskavandmála.   En í okkur öllum (sem teljumst vera “eðlilegir” einstaklingar) getur slík hindrun, þó hún sé minniháttar, átt mikilvægan þátt í að ákvarða almennt heilbrigði okkar og líkamsbyggingu, næmleika okkar gagnvart ofnæmi, astma, mígreni, rangeygð og fjölmörgum öðrum kvillum.

Við skulum skoða hvernig fæðingin gengur fyrir sig. Barninu er þrýst niður mjög þröng göng með höfuðið á undan.  Höfðinu er þrýst saman og það þvingað niður þessi þröngu göng á löngum tíma, oftast á nokkrum klukkutímum, en ferlið getur líka tekið sólarhring eða meira.

Skoðum líka höfuðkúpu nýfædds barns. Hún er ekki samansett úr hörðum beinum, (því þá mundi hún ekki komast niður fæðingarveginn), heldur fíngerðri himnublöðru.  Kúpuhvelfingin samanstendur af mjúkum ófullgerðum beinplötum sem tengdar eru saman með himnu, og kúpubotninn sem er sveigjanlegur, samanstendur af hálf mynduðum beinum sem tengjast hvert öðru með sveigjanlegu vaxbrjóski.  Mikill þrýstingur á þessa viðkvæmu vefi í margar klukkustundir, (eins og tilfellið er um flestar fæðingar), ýtir höfuðkúpubeinunum upp á við, hvert af öðru og aflagar höfuðið verulega.

Flokkur: Greinar - cranio
Engar athugasemdir »

Hvað er Höfuðbeina- og spjaldhryggsmeðferð?

Höfuðbeina- og spjaldhryggsmeðferð er óvenjulega mild en jafnframt öflug meðferð, sem hefur það meginmarkmið að skapa heilbrigt jafnvægi á öllum sviðum líkamsstarfseminnar og viðhalda því.
Meðferðin getur bæði fjarlægt sjúkdómseinkenni og þær truflanir sem valda þeim, en getur einnig haft djúpa og áhrifamikla heilandi verkun á fjölmörg líkamleg vandamál, hvort sem um er að ræða einfaldan sársauka eða langvinnt og flólkið heilbrigðisvandamál.
Meðferðina má nota við fólk á öllum aldri, allt frá nýfæddum börnum til aldraðra. Hún er mjög hentug fyrir ungbörn og til að nota við bráðar og sársaukafullar aðstæður vegna þess hversu mild hún er, en hún er einnig mjög þægilegt og slakandi meðferðarform.
Höfuðbeina- og spjaldhryggsmeðferð hefur verið beitt með góðum árangri við ungbarnakveisu og eyrnabólgum hjá ungbörnum, námserfiðleikum, hegðunarvandamálum og asthma hjá börnum, og við mígreni, bakverkjum, tíðatruflunum, tilfinningalegri spennu, fylgikvillum slysa, meiðslum, heilahimnubólgu og öðrum alvarlegum sjúkdómum hjá fullorðnum.
Enn fremur getur höfuðbeina- og spjaldhryggsmeðferð komið að gagni við nær hvaða aðstæður sem er, vegna þess að hún gengur alfarið út á það að efla heilbrigði, styrkleika og lífsþrótt út frá innsta kjarna mannsins. Hún örvar eðlilegan lækningamátt líkamans, grefur undan rótum vandans, lýsir upp flóknar og erfiðar aðstæður og samhæfir alla styrkleikaþætti líkamans til sjálfslækningar.
Meðferðinni fylgir gjarnan djúp hlýju- og slökunartilfinning um leið og einstaklingurinn er leiddur inn í friðsælt vellíðunar- og jafnvægisástand.

Hvernig virkar meðferðin ?

Höfuðbeina- og spjaldhryggsjöfnun felst í því að meðferðaraðilinn beitir mjög léttri handsnertingu bæði við greiningu og meðferð. Þessari léttu snertingu er beitt á höfuð skjólstæðingsins, spjaldhrygg hans og ýmsa aðra staði líkamans sem viðeigandi er hverju sinni.

Meðferðaraðilinn getur “hlustað” á líkama skjólstæðingsins með höndunum með því að beita næmi sínu. Hann getur greint tog, vinding og spennu í vefjunum, sem geta brenglað eða hindrað eðlilegar, taktfastar hreyfingar höfuðbeina- og spjaldhryggskerfisins, sem nefnt hefur verið þriðja taktkerfi líkamans. Þessar truflanir eru óhjákvæmileg spegilmynd af heilbrigðisástandi einstaklingsins.

Í gegnum þessa léttu snertingu er unnt að vinna með og losa um spennuna og vindinginn. Þannig er einnig hægt að greina upptök vandans og örva hin hárfínu lækningaviðbrögð sem tengjast höfuðbeina- og spjaldhryggskerfi líkamans.

Líkaminn hefur eðlilega þörf fyrir að efla heilbrigði sitt, viðhalda því og vinna gegn sjúkdómum og sýkingum. En til þess að líkaminn geti starfað á heilbrigðan og eðlilegan hátt er nauðsynlegt að allir vefir hans og vökvar geti hreyfst frjálst og óhindrað.
Sé þessi frjálsa hreyfing hindruð á einhvern hátt hefur það í för með sér þrengsli, stíflur eða stöðnun og í kjölfarið sjúkdóm og skerta líkamsstarfsemi.
Það markmið sem meðferðaraðilinn hefur í huga, þegar hann gefur höfuðbeina- og spjaldhryggsmeðferð er að “hlusta” á takt þriðja taktkerfisins og greina hindranir í líkamanum og losa um þær. Þannig endurvekur hann flæði lífsorkunnar um líkamann og eðlilega heilbrigða starfsemi í sérhverjum líkamshluta og einstaklingnum í heild.

Hverjum gagnast Höfuðbeina – og spjaldhryggsjöfnun?

Höfuðbeina- og spjaldhryggsmeðferð getur komið að gagni við nánast hvaða aðstæður sem er, m.a.:
· Hjá ungbörnum:
o í sambandi við ungbarnakveisu, eyrnabólgur, svefnleysi eða önnur alvarlegri vandamál.
· Hjá börnum:
o Í sambandi við byltur og föll.
o Til að stuðla að bata eftir kvef og sýkingar.
o Í sambandi við alvarlegri vandamál eins og asthma, námserfiðleika og hegðunarvandamál.
o Til að stuðla að fullum bata eftir heilahimnubólgu.
· Hjá fullorðnum:
o Í sambandi við fjöldann allan af vandamálum, t.d. höfuðverk, bakverk, tognun í liðum, meltingarvandamál, tilfinningalega spennu, truflanir í kjölfar slysa, meiðsli og alvarlega sjúkdóma.
· Hjá öldruðum:
o Til að jafna út áhrif spennu og álags lífsins, afleiðingar meiðsla, slysa og sjúkdóma og stuðla að að betra líkamlegu og andlegu ástandi með minni þörf fyrir lyf og óþægilegar aukaverkanir þeirra.
· Hjá öllum:
o Sem vilja bæta heilbrigðisástand sitt og öðlast meiri tilfinningu fyrir vellíðan, skýrleika og heilbrigði í lífi sínu.

Síðast en ekki síst má leggja áherslu á að höfuðbeina- og spjaldhryggsjöfnun nýtist hverjum og einum í samræmi við þær þarfir sem líkami hans hefur til lagfæringar og betra jafnvægis, því að líkaminn stýrir meðferðinni sjálfur þegar hann fær ákveðna örvun til þess.

Dæmi um vandamál, þar sem höfuðbeina- og spjaldhryggsjöfnun hefur orðið til bóta:

Höfuðverkur, Mígren, Tíðaverkir,
Asthma, Sinusitis, Bronchitis, Blöðrubólga,
Frosin öxl, Liðagigt, Ischias, Langvinn tognun á ökkla, Vandamál í liðum, RSI,
Meltingarvandamál,
Whiplash skaðar, Hryggskekkjur,
Bakverkir, Hálsverkir, Viðvarandi sársauki hvar sem er í líkamanum,
Spenna, Kvíði, Svefnleysi, Sjóntruflanir,
Þrekleysi,
Vandamál á meðgöngu og eftir meðgöngu, Þunglyndi, Fylgikvillar skurðaðgerðar, Samgróningar,
Ungbarnakveisa, Pyloric Stenosis, Vandamál tengd fæðugjöf ungbarna,
Miðeyrabólgur, Vökvi í eyrum, Tonsillitis, ENT vandamál,
Samþjöppun á höfuðkúpu vegna erfiðrar fæðingar ásamt öllum þeim truflunum sem því getur fylgt,
Námserfiðleikar, Lesblinda, Rangeygi, Augnleti, Ofvirkni, Einhverfa, Flogaveiki, Cerebral Palsy,
Hegðunarvandamál, Bræðisköst, Þráhyggjuhegðun,
Tannvandamál og TMJ vandamál,
Höfuðskaðar og hin hárfínu áhrif þeirra á persónuleika og andlegt ástand,
Heilahimnubólga og langvinnir fylgikvillar hennar,
Post Viral Syndrome, ME, Glandular Fever, Síþreyta,
Fylgikvillar hvaða langvinnra veikinda eða veiklandi sjúkdóms sem er.

Þýðing úr kynningarbæklingi frá
“Primrose Hill Natural Health Center” í London,
Margrét Árnadóttir, hjúkrunarfræðingur, 1997Félag Höfuðbeina -og spjaldhryggsjafnara, Pósthólf 5217, 125 Reykjavík.

Flokkur: Greinar - cranio
Engar athugasemdir »

Höfuðbeina- og spjaldhryggsjöfnun og börn (Cranio Sacral Ballancing)

Guðrún B. Hauksdóttir, hjúkrunarfræðingur og höfuðbeina- og spjaldhryggsjafnari:

Árangursrík meðferð við ýmiskonar ástandi eða sjúkdómum sem algengir eru hjá fólki á öllum aldri, ekki síst ungabörnum og börnum.

Vinna á börnum reynist geysilega árangursrík. Því fyrr sem börn eru meðhöndluð því meiri líkur eru á að takist að hjálpa þeim varanlega. Æskilegt væri að hafa starfandi Höfuðbeina- og spjaldhryggsjafnara á fæðingardeildum sem myndi skoða börnin strax og meta ástand þeirra. Með því að hjálpa líkama þeirra að rétta sig af, losa um himnur sem kunna að hafa dregist saman í fæðingunni og opna H.S.kerfi þeirra, þá er hægt að koma í veg fyrir ýmis vandamál sem oft hrjá ungabörn og börn síðar á ævinni.

William Sutherland (1900-1960) er sá maður sem fyrstur áttaði sig á Höfuðbeina og spjaldhryggskerfinu. Hann talaði um 3 grunnkerfi í líkamanum, hjarta og æðakerfið, öndunarkerfið, og höfuðbeina- og spjaldhryggskerfið sem hann taldi vera það mikilvægasta. Hann nefndi það frumöndunarkerfi (primary respiratory system). Hann taldi það vera fyrsta kerfið sem myndast í fóstrinu og það síðasta sem deyr. Hægt er að finna hreyfingu í höfuðbeina og spjaldhryggs kerfinu í látnum einstaklingi í 2-3 tíma eftir að viðkomandi hefur verið úrskurðaður látinn.

Höfuðbeina og spjaldhryggs kerfið samanstendur af himnu- , vökva- , beina- og bandvefskerfum líkamans. Það er sjálfstætt kerfi eins og blóðrásar- og öndunarkerfið. Það samanstendur af beinum höfuðs, hryggjar, spjaldhryggs og mjaðma, öllum himnum heila og mænu ásamt þeim líffærum sem tengjast framleiðslu og frárennsli heila- og mænuvökvans. Þrýstingur innan þessa kerfis fellur taktfast 4-14 sinnum á mínútu. H.S.kerfið er sú líffræðilega umgjörð sem miðtaugakerfið þarf til þess að geta þroskast og haldið sér við alla æfi. Kerfið er bæði í mönnum og dýrum.

Meðferðarlýsing.

Út frá uppgötvunum Sutherlands þróaðist meðferðarform sem nefnist höfuðbeina- og spjaldhryggsjöfnun. Nokkrir aðilar hafa þróað meðferðina og má þar t.d. nefna breska osteopatann Thomas Attlee og bandaríska lækninn og osteopatann dr.John Upledger.

Unnið er með höfuðbeina- og spjaldhryggskerfið (hér eftir nefnt H.S.kerfið). Nauðsynlegt er að hreyfanleiki ríki í kerfinu til þess að flæði heila- og mænuvökva sé gott því flæðið skapar lífskraftinn. Heila- og mænuvökvinn getur aðeins flætt óhindrað ef himnukerfið er frítt.

Höfuðbeina- og spjaldhryggsjöfnun (H.S.J.) er sjálfstætt meðferðarform. Það gengur út á að efla líkamlegt ástand einstaklings þ.e.a.s. skapa það ástand í líkamanum að hann geti starfað eðlilega og að hann geti sjálfur unnið sig út úr hvers kyns áreiti sem hann verður fyrir. Þá erum við að tala um líkamlegt, andlegt og félagslegt áreiti. Megin markmið meðferðarinnar er að greina uppruna á hvers kyns truflun á eðlilegri starfsemi H.S.kerfisins. Það er gert með því að meta ósamhverfur og hindranir í H.S.hreyfingunni og auðvelda losanir þeirra til þess að koma vökva og orku aftur á hreyfingu.

Hvað er gert?

Við meðhöndlun á H.S.kerfinu leitast meðferðaraðili við að finna þau svæði líkamans þar sem hömlur, þrýstingur eða spenna eru til staðar. Þessir þættir hindra gjarnan eðlilegt flæði í kerfinu og hefur því áhrif á starfsemi líffæra, vöðva, tauga, æða og líkamsvefja yfir höfuð. Hömlur myndast oft í kjölfar meiðsla, sýkinga, bólgna, tilfinningalegrar spennu eða undirliggjandi sjúkdóma. Þjöppunarþrýstingur í fæðingu getur einnig verið orsakavaldur. Þar þurfa höfuðbeinin að þrýstast upp á hvert annað á leið sinni í gegnum fæðingarveginn. Oftast rétta þau sig af eftir fæðingu, en í tilvikum þar sem slíkt gerist ekki, geta afleiðingarnar orðið misalvarlegar.

Meðferðaraðili notar milda snertingu handa til þess að greina vandann og meðhöndla. Snerting getur átt sér stað á höfði (cranium), spjaldhrygg (sacrum) eða á hvaða hluta líkamans sem við á. Meðferðaraðili nemur hreyfingar líkamans, tog og hömlur, hreyfingar höfuðbeina og hjálpar líkamanum að rétta sig af,
aðferðum sem kenndar eru. Meðferðaraðili þvingar aldrei neinu upp á líkamann, heldur skynjar hvað líkaminn vill gera og aðstoðar við það. Líkamanum er eðlilegt að skapa og viðhalda heilbrigði og að útrýma sjúkdómum og sýkingum. Eðlileg starfsemi getur samt ekki átt sér stað nema vefir líkamans og vökvar geti unnið óheftir. Með aðstoð sinni, leitast H.S. jafnarinn við að skapa þetta ástand í líkamanum, svo eðlileg starfsemi geti farið þar fram.

Tenging himnu-, beina- og bandvefskerfa.

Þarna þurfum við að hafa í huga hvernig himnu- ,beina-, og bandvefskerfi tengist allt og stjórnar í raun heila- og mænuvökva flæðinu.

Himnukerfið inniheldur heila- og mænuvökvann. Heilaholin eru kerfi af tómarúmi inni í heilanum (tilheyrir himnukerfinu). Þar á framleiðsla heilahimnu- og mænuvökvans sér stað.

Heilamimnur samanstanda af þremur himnulögum. Ysta heilahimna (dura mater, hin harða móðir, kallast heilablast í höfuðkúpu og mænubast í mænu ) umlykur heila og mænu og verndar fyrir hvers kyns áföllum. Mið heilahimna (arachnoid, heilaskúm) og innsta heilahimna (pia mater, hin mjúka móðir) liggja þétt utan um mænu. Ysta duru lagið er nátengt beinum höfuðkúpu, klæðir þau þétt að innan. Dura mater fer út um mænugatið, tengist hálsliðum 2 og 3, heldur áfram og festist aftur á spjaldhrygg og síðan aftur á rófubeini.

Bandvefur (fasia) umlykur öll líffæri líkamans, blóðæðar og taugar. Þetta er mjög þunn himna og er samfelld í gegnum allan líkamann. Hreyfing H.S.kerfisins endurspeglast um allan líkamann í gegnum bandvefinn.

Taugar þurfa að fara í gegnum himnukerfið.
Himnu- og bandvefskerfið er samfellt og heilt. Það er einnig gagnkvæmt spennu himnu kerfi sem þýðir að spenna á einum stað hefur áhrif annars staðar. Þarna getum við séð fyrir okkur að ef við erum með blöðru fulla af vatni og þrýstum á einn stað blöðrunnar, þá eykst þrýstingur annars staðar í henni. Það er ýmislegt sem getur haft áhrif á H.S.kerfið, s.s. líkamlegir áverkar, sjúkdómar og hvers kyns áföll í lífinu.

Sem dæmi má nefna:

Áverkar á höfuðkúpu eins og höfuðhögg og ýmsir fæðingaráverkar.
Áverkar á himnur eftir heilahimnubólgu og ör eftir mænudeifingu.
Áverkar á bandvef s.s. ör í kjölfar aðgerða, samgróningar og fleira.

Kenningar.

Mismunandi kenningar eru uppi um það hvar upptök að hreyfingu í H.S.kerfi á sér stað. Ein kenningin er að frumstæður lífskraftur sé til staðar í hverri frumu líkamans og valdi því að allir líkamsþættir s.s himnur, bein, taugar og vökvi hreyfist saman. Heila- og mænuvökvi dregst saman og þenst út, líkt og flóð og fjara, upp að höfði og niður um mænu. Þetta er taktföst hreyfing sem finnst allsstaðar á líkamanum. Sutherland talar um að grundvallarþáttur alls sé lífskraftur sem flæðir um allan líkamann.

Gott kerfi skapar góða heilsu og almennt betri líðan. Ef veikleiki, spenna eða höft er til staðar í kerfinu leiðir það til lélegrar heilsu. Góð samlíking er að sjá fyrir sér áveitukerfi á bóndabæ. Ef einhver áveituæðin virkar illa eða alls ekki, þá hefur það mikil áhrif á það svæði sem hún hefði átt að þjóna.

Algengir ungbarnasjúkdómar og meðhöndlun með H.S.jöfnun.

Áverkar í fæðingu eru eins og fyrr segir mjög algengir. Þau vandamál sem óhætt er að segja að flest allir kannist við eru magakrampar og eyrnabólgur hjá ungabörnum. Erfitt hefur reynst að lækna þessa sjúkdóma og því miður er algengasta aðferðin sú að gefa róandi lyf við magakrampa og fúkkalyf við endurteknum eyrnabólgum. Lyfin reynast því miður ekki árangursrík við að vinna á vandamálinu sjálfu og hafa oft óæskilegar hliðarverkanir s.s. meltingartruflanir (niðurgang eða hægðatregðu). Þó eru kanski einna alvarlegust dulin áhrif þeirra á ónæmiskerfi líkamans. Flestir eru sammála um að helst ætti að forðast að gefa ungabörnum lyf nema það sé lífsnauðsynlegt.

Til þess að líkaminn geti læknað flest tilfelli magakrampa og skyldra sjúkdóma, hefur reynst árangursríkast að einbeita sér sérstaklega að tveimur svæðum líkamans, höfuðkúpubotni og solar plexus svæðinu. Í fyrsta lagi erum við að ræða um hnakkabeinin og samband þeirra við atlas (C1, efsta hryggjarliðinn).

Höfuðkúpubotninn er það svæði sem er útsettast fyrir samþjöppun og truflun í fæðingunni vegna þess mikla þrýstings sem þetta svæði verður fyrir á leið barnsins niður í gegnum fæðingarveginn. Það hvað atlas-occiput svæðið er nálægt öðrum mikilvægum svæðum t.d. hóstabláæðargati (jugular foramen) (op í höfuðkúpubotni milli hnakkabeins (occiput) og gagnaugabeins (temporal)), en í gegnum þessi op fer vagus taugin sem er 10. heilataugin og hóstabláæð (jugular vain)) þá gegnir þetta svæði mjög stóru hlutverki í almennu heilsufarsástandi og virkni allra einstaklinga í lífinu. Frá 10. heilataug fær meltingarkerfið flest boð frá ósjálfráða taugakerfinu. Samþjöppun þarna getur því leitt til of mikillar taugaörvunar sem orsakar þrálátan krampa í meltingarlíffærum og þar af leiðandi magakrampa (colic). Á höfuðkúpubotni er einnig staðsett the superior cervical sympathetic ganglion. Þrýstingur á það eða samþjöppun getur leitt til sympathetic örvunar á allt taugakerfið og afleiðingar þess verið t.d. óróleiki, spenna og ofvirkni. Jafn mikilvægt er að meðhöndla solarplexussvæðið (nafla-, þindar- og magaopssvæði) við meðhöndlun á magakrampa (colic). Þetta svæði verður fyrir áhrifum ef þrýstingur er á höfuðkúpubotn, auk þess er líklegt að það verði fyrir örvun vegna sjokks, áverka eða þjáningar, sem oftast á sér stað í fæðingum. Þar sem ungabörn eru með mun næmara kerfi en fullorðnir, eru líkamar þeirra miklu móttækilegri fyrir meltingartruflunum sem koma í kjölfar þessa.

Spenna í þind er algengt fyrirbæri hjá ungabörnum. Hún veldur þrengingum í vélinda, þar sem vélindað fer í gegnum þindina á leið sinni inn í magann. Spennan getur einnig haft áhrif á magaopið (pylorus) og þar með á magatæmingu niður í smáþarmana. Þessu fylgja oft verkir og erfiðleikar við fæðuinntekt. Ef spenna í þind, solarplexus og á höfuðkúpubotni er ekki meðhöndluð leiðir það oft til sjúkdóma síðar á lífsleiðinni s.s. skeifugarnasára eða kviðslits.

Eyrnabólgur og otitis media eru algengir kvillar hjá ungabörnum. Þær koma í kjölfar samansöfnunar á kyrrstæðum vökva í miðeyra, bakvið hljóðhimnu. Leiðir þetta ástand til sýkingar sem getur síðan orsakað heyrnarskerðingu eða jafnvel heyrnarleysi. Kyrrstaðan bendir til þess að ekki sé nægjanlegt rennsli frá miðeyra og getur ástæðan verið sú að samdráttur sé til staðar í hlustinni. Samdráttur kemur oft sem afleiðing af samþjöppun eða afbökun í fæðingu. Lokun í hlust getur einnig verið samansafnaður gröftur. Með H.S. jöfnun á umlykjandi svæði er oftast hægt að fjarlægja samdráttinn, losa um fyrirstöðuna og þannig tryggt frítt rennsli vökvans. Einkennin hverfa nær samstundis og barnið heldur góðri heyrn. Þannig getum við minnkað notkun fúkkalyfja og einnig aðgerðir eins og röraísetningu.

Heilahimnubólga er bólga í heilahimnum eða himnum sem umlykja heila og mænu, venjulega vegna bakteríu- eða vírussýkinga. Afleiðingarnar verða oft þær að ör myndast á heila-og mænu himnum sem leiðir til þess að tog eða spenna hamlar eðlilegt flæði í kerfinu. Einkenni s.s. höfuðverkur, verkur í hnakka, ógleði, uppköst, sjóntruflanir, suð fyrir eyrum, orkuleysi koma í ljós. Heilahimnubólga skilur oft eftir sig einkenni þrátt fyrir að viðkomandi teljist læknaður. Þessi einkenni má oft bæta eða jafnvel laga alveg með H.S.jöfnun.

Hvers vegna H.S. meðferð?

Á sama hátt og heilbrigðisstarfsfólk s.s hjúkrunarfræðingar, læknar og fleiri geta þreifað mismunandi stig spennu eða slökunar í krampakenndum ristli, fundið mismunandi vöðvatonus, metið ástand blóðrásar með púlsmælingum getur H.S. meðferðaraðili þroskað með sér hæfileikann til að skynja með snertingu handa, mismunandi eiginleika H.S.kerfisins t.d. flæði, spennu, tog og hömlur. Þannig getur hann metið líkamlegt, andlegt eða tilfinningalegt ástand viðkomandi. Hann lærir einnig að aðstoða líkamann við að losa um höft og hindranir, leiðrétta takt og koma á samhverfu í hreyfingum innan H.S.kerfisins. Meðferðaraðili getur með þessu móti unnið á margskonar vandamálum og einnig unnið mjög fyrirbyggjandi s.s þegar unnið er með ungabörn.

Góður árangur.

H.S.jöfnun hefur alltaf góð áhrif á fólk og skapar ákveðna ró og jafnvægis ástand í líkamanum. Það er hægt að tala um mjög góðan árangur á nokkrum sviðum t.d. við meðferð á ungabörnum s.s. vegna magakrampa, eyrnabólgna, óværðar og svefntruflana. Algengast er að um sé að ræða einkenni sem koma í kjölfar samþjöppunarþrýstings sem á sér stað í fæðingu. Því fyrr sem börnin eru meðhöndluð því skjótari árangur og meiri líkur á að börnin verði heilbrigðir og hamingjusamir einstaklingar.

Athyglisvert er að lengi hefur verið talið að nýfædd börn hefðu ekki nægilegan heilaþroska til að muna sársauka og því eru þau oft látin ganga í gegnum ýmsar rannsóknir og jafnvel aðgerðir s.s. umskurð án þess að fá verkjalyf. Það hefur komið í ljós að þetta er alrangt og börnin setja þetta allt í minningarbankann sinn og stundum talið að þetta sé orsök t.d. ótta og áráttu (phobias), óverðskuldaðra sektarkennda, hvatvísi og taugatengdra sjúkdóma.

Oft virðist sem ákveðin svæði s.s neðanhnakkasvæði, T svæði (þar sem viðbeinin eru) og spjaldhryggur verði fyrir mikilli örvun vegna áreynslu í fæðingu.

Með vinnu á þessum svæðum má oft bæta ástand verulega:

Við vöðvabólgum, höfuðverk, migreni og streitu.
Við meltingartruflunum og bakveiki.
Sem verkjastillandi meðferð.
Eftir slys og hvers kyns áverka, t.d.wiplash, íþróttameiðsl og fleira.

Lokaorð.

Að undanförnu hefur mikil vakning orðið hjá fólki almennt varðandi heildræn meðferðarform (almennt rætt um sem óhefðbundnar lækningar). Það hefur komið fram í könnunum að fólk nýtir sér í auknum mæli heildrænar lækningar ýmist samhliða hefðbundnum lækningum eða einar og sér. Þar kemur einnig í ljós að fólk vill eiga val á því hvort það nýtir sér þær leiðir sem í boði eru og þannig taka þátt í þeim ákvarðanatökum sem varða þeirra eigið líf og þeirra nánustu. Þetta hlýtur að teljast jákvætt þar sem meiri von er um betri árangur ef fólk sýnir ábyrgð og vinnur meðvitað og jákvætt með þeirri meðferð sem það gengur í gegnum.

Verum því fordómalaus og opin og vinnum ávallt í kærleikanum. Tökum aldrei vonina frá fólki því að margar leiðir eru í boði til að bæta heilsubrest okkar. Kynnum okkur vel það sem í boði er og verum óhrædd að vísa hvert á annað og síðast en ekki síst, höfum hugfast að ,”Gjöful hendi er fögur hvaðan sem hún kemur”.

Heimildaskrá.

The Heart of Listening, Hugh Milne.
Craniosacral Therapy, John E. Upledger,D.O.,F.A.A.O. and John D.Vredevood,M.F.A.
Your Inner Physician and You, John E. Upledger, D.O.F.A.A.O. Birth Trauma, grein eftir Thomas Attlee (Osteopath og Cranio-sacral meðferðaraðila).
Cranio-sacral therapy and the treatment of common childhood conditions, Thomas Attlee.
Námskeiðsgögn á höfuðbeina- og spjaldhryggsjöfnunar námskeiði hjá Thomas Attlee.
Cranio-sacral therapy and treatment of common childhood conditions, Thomas Attlee.

Flokkur: Greinar - cranio
Engar athugasemdir »

Nú á tímum umbyltinga og breytinga þar sem eyðileggjandi óheiðarleiki, grimmd og græðgi eru að víkja fyrir sannleika, samkend og heiðarleika finnst mér ástæða til að minna á að við búum yfir frábærri þekkingu til að bæta og breyta ástandi fólks til betra og heilbrigðara lífs með mjög litlum kostnaði. Þetta er það sem blasir við samfélaginu í nánustu framtíð. Heilbrigðiskerfið okkar er að sligast undan skuldum og er allt of flókið og dýrt til að hægt sé að reka það áfram eins og verið hefur. Ég er alveg sannfærð um að það verður í æ ríkari mæli leitað eftir okkar þjónustu Höfuðbeina- og spjaldhryggsjafnara ásamt öllum öðrum óhefðbundnum heilsutengdum meðferðarformum. Okkar tími er komin. Ég vil því eindregið hvetja félagsmenn til að vera eins sýnileg í samfélaginu eins og mögulegt er. Því duglegri sem við erum við það því hraðara gengur ferlið í þá átt að óskað verið eftir okkar þjónustu í meira mæli. Þannig geta fleiri og fleri gert það að atvinnu að vinna sem Höfuðbeina- og spjaldhryggsjafnar. Stöndum saman virkjum þennan auð sem við höfum. Fólk almennt vill taka miklu meiri ábyrgð á sinni heilsu og er tilbúið að taka þátt í því að prófa þau meðferðarform sem hafa fengið þann orðspor um að gefa mjög góða raun án áhættu um að verið sé að skaða eða skemma á nokkurn hátt. Höfuðbeina- og spjaldhryggjöfnun er ein frábær leið til betra lífs og við eigum að vera stolt af því að hafa þessa lausn fyrir fólk.

Að lokum vil ég óska öllum velfarnaðar, setjum upp gleraugu bjartsýninnar og við munum sjá heiminn í nýju ljósi, fullan af tækifærum.
Það er auðvelt að treysta þegar allt leikur í lyndi. Mikilvægara er að geta treyst þegar mikið gengur á og stormar lífsins geysa.

Gleði, friður og hamingja. Þessi orð sagði gömul kona sem lá á bekknum hjá mér og brosti um leið og hún sagði: “það er allt sem þarf”.

–
Kær kveðja Stefanía Ólafsdóttir formaður Cranío, Félags Höfuðbeina- og spjaldhryggjafnara

Brostu, haltu áfram að brosa og aðrir munu brosa með þér.

Flokkur: Greinar - cranio
Engar athugasemdir »

Hbs getur hjálpað flestum, hvort sem um er að ræða minniháttar óþægindi eða alvarlega kvilla af völdum sjúkdóma, slysa og áfalla.

Hbs kerfið er myndað af himnum sem umlykja heila og mænu, höfuðbeinum, spjaldhrygg ásamt mænuvökva og bandvef.
Meðferðin er heildræn, það er alltaf verið að vinna með allt kerfið en ekki bara hluta eða líkamsparta. Hún felst í mjög mildri snertingu þess sem meðhöndlar, við höfuð, spjaldhrygg og aðra líkamshluta. Hendurnar eru notaðar bæði til að greina og meðhöndla. Truflun í hbs kerfinu hefur áhrif víðsvegar um líkamann. Allt sem kemur fyrir okkur getur truflað hreyfingu kerfisins beint eða óbeint. Meðferðin hefur víðtæk og djúpstæð áhrif, ekki einungis á ákveðnum líkamshlutum heldur á allan líkamann og manneskjuna í heild.
Markmið meðferðarinnar er að koma á jafnvægi á öllum sviðum þannig tekst kerfinu okkar að ná sjálft að vinna úr hvers kyns ójafnvægi sem getur leitt til sjúkdóma.
Fíngerð snerting og mild nærvera þess sem meðhöndlar örvar innbyggðan hæfileika líkamans til sjálf heilunar. Líkaminn getur ekki starfað eðlilega nema vefir hans og vökvar geti unnið óheftir, hbs jafnarinn leitast við að skapa þetta ástand til að gera líkamanum kleift til að starfa eðlilega svo hann geti læknað sig sjálfur. Með hbs er hægt að hafa áhrif á líkamleg og sálræn mynstur sem hlaðist hafa upp fyrir tilverknað sjúkdóma, slysa og áfalla á leið okkar í gegnum lífið.

Hippocrates sagði að líkaminn læknaði sig sjálfur og sá sem veitir meðferð sé aðeins verkfæri náttúrunnar til þess.

Hverjir geta nýtt sér Hbs?

Hbs. hentar öllum aldri, allt frá vöggu til grafar, hvort sem þarf að styrkja ónæmiskefið, meðhöndla ákveðna sjúkdóma eða fást við tilfinningalegan vanda.
Hbs hentar nýfæddum og ungum börnum sérlega vel þar sem mikilvægt er að tryggja heilbrigt jafnvægi strax í upphafi.
Verðandi og nýbakaðmæður geta notið góðs af hbs. T.d. vegna óþæginda á meðgöngu eða til að jafna sig eftir fæðingu eða keisaraskurð, fæðingaþunglyndi eða samgróninga.
Börn með misþroska vandamál sem tengjast miðtauga kerfinu, lesblinda, námserfiðleikar, tannréttingar. Of langt mál er að telja allt upp sem hægt er að meðhöndla með hbs. En ég bendi á algenga kvilla í nútíma samfélagi eins og streitu, háls- höfuð- og bakverki, asma, svefnleysi, kvíða, þunglyndi og önnur sál-líkamleg mynstur.

Hvaða árangurs er að vænta?

Þeir kvillar og sjúkdómar sem við getum þurft að glíma við búa mis djúpt líkamanum.
Flestir finna verulegan mun eftir 1-3 skipti, því hbs er mjög öflug meðferð um leið og hún er mild og auðvelt að þiggja hana.
Það fer eftir einstaklingum ekki sjúkdómnum hversu margra meðferðir eru nauðsynlegar til að fá bata. Fyrst og fremst er það vilji einstaklingsins sem ræður því hversu mikill árangur næst.Oft þurfa fleiri þættir að koma með til að fullkomin árangur náist. Þá á ég við t.d. breitt matarræði eða lífsstíl á einhvernhátt. Það er engin sjúkdómur svo erfiður að ef það er hægt að vekja lífslöngun sjúklingsins næst árangur til bata.

Hvaðan er þessi þekking komin?

Upp úr aldamótunum 1900 uppgvötaði Dr. William G. Sutherland osteopath eða beina- og liðfræðingur að höfuðkúpubein mannsins eru hreyfanleg um saumana sem var andstætt því sem áður var talið. Hann gerði ýmsar tilraunir sem hann prófaði m.a. á sjálfum sér. Hann notaði hjálm sem hægt var að herða að á mismunandi stöðum á höfðinu. Margvísleg einnikenni komu fram þegar þrýstingi var beitt á hin ýmsu bein höfuðkúpunnar, t.d. höfuðverkur, samhæfingarvandamál og persónuleika breytingar.
Síðar uppgötvar læknirinn og osteopatinn Dr. John Upledger þegar hann er að aðstoða við uppskurð á hálsliðum sjúklings þar sem fjarlægja átti kalk af heila og mænuhimnu, dura mater, að ekki var hægt að halda mænuslíðrinu í kyrrstöðu heldur er eins og það sé takfastur sláttur. Út frá þessu gerir hann miklar rannsóknir og niðurstaðan er að hann uppgvötar sjálfstætt vökvaþrýstikerfi innan höfuðkúpu sem hefur áhrif á alla líkamsstarfsemina. Eftir að hafa kynnst rannsóknum og niðurstöðum dr. Williams Sutherland sér hann að það er hægt að nýta sér þessa þekkingu til að ná árangri um að bæta heilsu fólks. Hann fær lið af vísindamönnum til að vinna með sér í að rannsaka og mæla nákvæmlega hinar örsmáu hreyfingar höfuðbeinanna, í hvað átt og hve hratt þau hreyfast. Út frá þessu þróast hbs kerfið sem er oft nefnt þriðja kerfið, hin eru blóðrásarkerfið og öndunarfærakerfið. Það er 1972 sem hann getur sýnt fram á að þessi meðferð getur nýst okkur gegn ýmsum erfiðum kvillum.
Hann hefur náð frábærum árangri í störfum sínum og rekur kennslu- og meðferðastofnun í Bandaríkjunum.

Hvað nám er að baki?

Hbs hefur breiðst mjög hratt út víða um heim. Fyrstur íslendinga til að kynnast sér hana var Gunnar Gunnarsson sálfræðingur, sem skipulagði fyrsta námskeiðið í þessari árangursríku meðferð hér á landi. Hann kynntist hbs í Þýskalandi og skipulagði nám í greininni og fékk til liðs Svariupo Heike Pfaff sem var fyrsti kennarinn til að kenna hér á landi. Árið 1995 luku 25 manns námi í hbs og 35 manns 1998.
Árið 1997 fóru þau Guðrún Hauksdóttir og Gunnar Gunnarsson til frekar náms til London í College of Cranio-Sacral Therapy eða CCST til að læra meira um hvernig meðhöndla má börn. Það varð til þess að Thomas Attlee osteopat, stofnandi og skólastjóri skólans kom til Íslands haustið 1998 og hóf kennslu á vegum CCST hér á landi.
Námið er í sex hlutum og er kennt á tveimur árum. Þar skiptast á krefjandi námskeið, reglulegar æfingar, próf og heimaverkefni. Hvert námskeið stendur yfir í sjö daga og er samtals 45-50 klukkustundir. Til viðbótar eru gerðar kröfur um að nemendur hafi tiltekna menntun í líffræði, sjúkdómafræði og lífeðlisfræði.
Markmið CCST skólans er að nemendur sem útskrifast sem hbs jafnarar, hafi til þess vandað kennsluefni til lestrar, fari í gegnum strangt æfingarferli á þeim tveimur árum sem tekur að ljúka námi. Að nemendur séu hæfir til að geta gefið árangursríka meðferð að námi loknu. Námið stenst þær kröfur sem gerðar eru sem skilyrði fyrir aðild að bandalagi íslenskra græðara sem var samþykkt með lögum frá Alþingi árið 2005.
Þeir sem hafa kosið þetta nám eru gjarnan fólk úr heilbrigðisstéttinni, s.s. sjúkraliðar, ljósmæður, hjúkrunafræðingar og sálfræðingar og þeir sem eru að vinna með aðrar náttúrulækningar, en einnig fólk úr margbreytilegum stéttum samfélagsins.

Hvernig nota aðrar þjóðir hbs?

Því miður vannst mér ekki tími til að rannsaka það á þann hátt að ég geti verið með staðfestar niðurstöður. En það hef ég hugsað mér að gera þegar tími vinnst til. Ég veit þó að í Lúxemborg er hbs inn í sjúkrasamlaginu og fólk fær endurgreitt eins og fyrir aðrar meðferðir sem læknar vísa á eins og sjúkraþjálfun osfr. Allstaðar sem ég hef heyrt erlendis frá er þetta meðferðarform í hávegum haft og hefur þegar fest sig í sessi í samfélaginu. Við eru “pínulítið” á eftir hér á Íslandi en það verður bót á því í allra nánustu framtíð. Margir sjúkrasjóðir endurgreiða t.d. nú þegar fyrir meðferð í hbs og fleiri og fleiri bætast í hópinn svo við eru bjartsýn um að sem flestir hafi aðgang að þeirri snilld sem hbs. er.

Lífsorkan og Cranío

Við notum gjarnan þessa styttingu og notum orðið Carnío eru þá að stytting á Cranío Sacral Therapy. Svolítið þjálla en Höfuðbeina og sjaldhryggsjöfnun.
Eins og áður sagði uppgvötar dr. John Upplegder þennan slátt eða takt sem er í mænuvökvanum hann mælist í 4-14 slögum á mínútum og með því að hlusta á þennan takt erum við að hlusta á lífsorkuna, uppsprettu okkar. Þetta er það sem kviknar fyrst þegar líf kviknar og það síðasta sem deyr, löngu eftir að hjartað hættir að slá er hægt að hlust á þennan takt lífsorkunar í mænuvökvaflæðinu. Þetta er stórkostleg uppgötvun og meðal annars það sem við greinum þegar við skoðum ástand skjólstæðinga okkar. Með því náum við til innsta kjarna og þannig næst mjög heildræn sýn á ástandi manneskjunnar.

– Kær kveðja, Stefanía Ólafsdóttir –

Flokkur: Greinar - cranio
Engar athugasemdir »